सन्तोष मेहता,विराटनगर । कोशी प्रदेश सभा सदस्य माननीय हाजी इस्राइल मन्सुरीले आज आफ्नो निर्वाचन क्षेत्र सुनसरीमा निरन्तर वर्षाका कारण उत्पन्न बाढीको अवस्थाबारे जानकारी लिनुभएको छ । उहाँले स्थानीय अगुवा नेता तथा जनताहरूसँग भेटघाट गरी बाढीले पारेको प्रभावबारे जानकारी लिनुभयो ।

माननीय मन्सुरीले भन्नुभयो, “हामी यस क्षेत्रमा परेको अविरल वर्षा र यसले निम्त्याएको बाढीको अवस्थाप्रति गम्भीर छौं। मैले स्थानीय नेता र नागरिकहरूसँग कुराकानी गरेर उनीहरूको समस्या र आवश्यकताहरू बुझ्ने प्रयास गरेको छु।”

उहाँले थप्नुभयो, “हामी सबै मिलेर यस प्राकृतिक प्रकोपको सामना गर्नेछौं । म प्रदेश सरकारलाई यहाँको वास्तविक अवस्थाबारे अवगत गराउनेछु र आवश्यक सहयोग र राहतको लागि पहल गर्नेछु ।”

स्थानीय बासिन्दाहरूले माननीय मन्सुरीको यस पहललाई सकारात्मक रूपमा लिएका छन् । एक स्थानीय नेताले भने, “हामी माननीय मन्सुरीको यस भ्रमणबाट उत्साहित छौं। यसले हाम्रो समस्यालाई उच्च तहमा पुर्‍याउन मद्दत गर्नेछ भन्ने आशा गरेका छौं ।”

प्रदेश सरकारले बाढी प्रभावित क्षेत्रहरूमा राहत र उद्धार कार्य तीव्र पारेको जनाएको छ। माननीय मन्सुरीको यो भ्रमणले स्थानीय स्तरमा थप राहत र पुनर्निर्माण कार्यक्रमहरू ल्याउन मद्दत पुग्ने अपेक्षा गरिएको छ ।