विराटनगर । एन्फा महिला लिग फुटबलमा आज दुई वटा खेल हुँदैछ । ललितपुरको सातदोबाटोमा रहेको एन्फा कम्प्लेक्समा हुने पहिलो खेलमा दिउँसो साढे १२ बजे चन्द्रपुर नगरपालिका र वालिङ नगरपालिका खेल्दैछन् ।
वालिङ नगरपालिका आठ खेलमा १२ अङ्कसहित तालिकाको चौथो स्थानमा छ भने चन्द्रपुर नगरपालिका आठ खेलमा आठ अङ्कसहित तालिकाको आठौं स्थानमा छ ।
यस्तै आज हुने दोस्रो खेलमा दिउँसो साढे ३ बजे कोशी र सुदूरपश्चिम प्रदेश खेल्दैछन् । कोशी आठ खेलमा ११ अङ्कका साथ पाँचौ स्थानमा छ भने समान खेल खेलेको सुदूरपश्चिम प्रदेश अङ्कविहिन छ ।
आजको खेलले शीर्ष पाँचमा पुग्ने टोलीको टुङ्गो लाग्ने छ । अखिल नेपाल फुटबल सङ्घ ९एन्फा० को आयोजनामा चलिरहेको लिगमा १० वटा टोली सहभागी छन् ।