विराटनगर । विश्वकप लिग २ मा आज नेपालले क्यानडासँग प्रतिस्पर्धा गर्दैछ। क्यानडाले उसको घरेलु मैदानमा नेपालसँग प्रतिस्पर्धा गर्न लागेको हो । यो खेल सोमबार साँझ ७स्४५ बजे क्यानडाको किङ सिटी मैदानमा सुरु हुँदैछ ।
क्यानडा भ्रमणमा रहेको नेपालले सिरिज अन्तर्गत दुई ओडिआई प्रतिस्पर्धा क्यानडा र दुई प्रतिस्पर्धा ओमानसँग गर्दैछ। क्यानडासँग नेपालले दोस्रो खेल असोज ६ गते खेल्नेछ । नेपालले ओमानसँगको दुई सिरिज भने असोज २ र ८ गते खेल्नेछ ।
नेपालले ओडीआई सिरिजपछि क्यानडा र ओमानसँग टी २० सिरिजमासमेत प्रतिस्पर्धा गर्नेछ ।
क्यानडामा सिरिज खेलिसकेर नेपाल लिग २ का लागि अमेरिका पुग्नेछ। अमेरिकामा नेपालले स्कटल्याण्ड र अमेरिकासँग त्रिकोणात्मक र टी २० आई सिरिज खेल्नेछ ।
चार खेल खेलेको नेपालको २ अंक छ। यसअघि त्रिवि क्रिकेट मैदानमा नेपालले नामिबियासँगका दुई खेलमा हार खाएको थियो भने नेदरल्याण्डसँग एक जित र एक हारको नतिजा निकालेको थियो ।