विराटनगर । विराटनगरमा राजश्री विश्वविद्यालय अन्तर्गतको सम्बन्धन लिएर बैदेही ज्ञानकुञ्ज (भीजी) कलेज सञ्चालनमा आएको छ । कलेजका सञ्चालकहरूले सोमबार पत्रकार सम्मेलनको आयोजना गरी कलेज स्थापना र शैक्षिक कार्यक्रमबारे विस्तृत जानकारी दिएका छन् ।

शैक्षिक कार्यक्रम र प्रवेश क्षमता:
भीजी कलेजले दुई प्रमुख शैक्षिक कार्यक्रमहरू सञ्चालन गर्नेछ :
बिबिए (व्यवसाय प्रशासन स्नातक)
बि.एससी.सीएसआईटी (कम्प्युटर विज्ञान र सूचना प्रविधि स्नातक)
प्रत्येक कार्यक्रममा ४०–४० सिटको कोटा निर्धारण गरिएको छ । कुल ८० सिटमध्ये १६ सिट (प्रति कार्यक्रम ८ सिट) छात्रवृत्तिका लागि आरक्षित गरिएको छ ।
कलेज प्रमुख ए.के. दासका अनुसार, विद्यार्थी भर्ना अनुपात हेरेर भविष्यमा कोटा थप गर्न सकिने व्यवस्था रहेको छ ।
शुल्क संरचना
कलेजले प्रतिस्पर्धी र सुलभ शुल्क संरचना प्रस्तुत गरेको छ :
बिबिए कार्यक्रमः रु. ३,३०,०००
बि.एससी.सीएसआईटी कार्यक्रमः रु. ३,८५,०००
कलेज प्रमुख दासले कलेजको पाठ्यक्रम फरक र शुल्क तुलनात्मक रूपमा कम भएकोले विद्यार्थीहरूलाई सहज हुने विश्वास व्यक्त गरेका छन्।

कलेजका विशेषताहरू
कलेज प्रमुख ए.के. दासले कलेजका निम्न विशेषताहरू उल्लेख गरेका छन :
१.विद्यार्थीहरूलाई व्यावसायिक र सिर्जनात्मक बनाउने लक्ष्य

२.अन्तर्राष्ट्रिय स्तरका विश्वविद्यालयहरूसँग प्रतिस्पर्धा गर्न सक्षम

३.केवल किताबी ज्ञान मात्र नभई, भविष्यका लागि योग्य जनशक्ति उत्पादनमा जोड
फरक र प्रभावकारी पाठ्यक्रम

दासले भनेका छन्: हाम्रो कलेजले केवल किताबी ज्ञान मात्रै नभएर भविष्यका लागि योग्य जनशक्ति उत्पादन गर्नेछ। हामी अन्तर्राष्ट्रिय स्तरका विश्वविद्यालयहरूसँग प्रतिस्पर्धा गर्न पूर्ण रूपमा तयार छौं ।

राजश्री विश्वविद्यालयको विस्तार
यो कलेज स्थापनासँगै राजश्री विश्वविद्यालयले आफ्नो कार्यक्षेत्र विस्तार गरेको छ। विश्वविद्यालयले मधेश प्रदेशमा ६ वर्ष पूरा गरी सातौँ वर्षमा प्रवेश गरेको छ र अब कोशी प्रदेशमा सम्बन्धन दिन थालेको छ । यसले प्रदेशमा उच्च शिक्षाको गुणस्तर र पहुँच बढाउने अपेक्षा गरिएको छ ।

यस नयाँ शैक्षिक संस्थानको स्थापनाले विराटनगर र आसपासका क्षेत्रका विद्यार्थीहरूलाई उच्च शिक्षाको नयाँ र गुणस्तरीय विकल्प प्रदान गरेको छ । यसले स्थानीय शैक्षिक परिदृश्यमा सकारात्मक प्रभाव पार्ने र क्षेत्रको शैक्षिक विकासमा महत्त्वपूर्ण योगदान र्पुयाउने अपेक्षा गरिएको छ ।