विराटनगर । खेलकुदको बिकास र प्रबर्द्धनका लागि कोशी प्रदेश प्रहरी खेलकुद समिति र डि।एन।ग्रुफ अफ कम्पनी प्राईभेट लिमिटेड विच सम्झौता भएको छ । कार्तिक २९ गते कोशी प्रदेश प्रहरी कार्यालय बिराटनगरमा भएको सम्झौता कार्यक्रममा कम्पनीले खेलकुद प्रायोजनार्थ पाँचलाख ५० हजारको चेक हस्तान्तरण गरेको हो ।

कोशी प्रदेश प्रहरी खेलकुद समितिको तर्फबाट प्रदेश प्रहरी प्रमुख प्रहरी नायव महानिरीक्षक चन्द्र कुबेर खापुङ र कम्पनीका प्रोप्राईटर दिपक काफ्लेबीच सम्झौता पत्रमा हस्ताक्षर भएपछि सहयोग हस्तान्तरण गरिएको थियो ।

कोशी प्रदेश प्रहरी खेलकुद समिति अन्तरगत रहेका खेलकुद प्रशिक्षक एंव खेलाडीहरुको दुर्घटना बीमा, खेलकुद सम्वन्धी आवश्यक सामाग्रीहरु र खेलाडीहरुको लागि आवश्यक अतिरिक्त पोषणयुक्त खाजाको व्यवस्था उक्त रकमबाट हुनेछ । प्रदेश प्रहरी प्रमुख खापुङले कोशी प्रदेश प्रहरी खेलकुद समितिलाई सहयोग गर्ने कम्पनीप्रति अभार व्यक्त गरेका छन् ।