विराटनगर । मोरङको बेलबारी–८ बलुवाही बिहीबारेबाट सुनवर्षी घर फर्कने क्रममा तीनवर्षका छोरासहित श्रीमती बेखबर भएपछि खोजी गरिदिन श्रीमान अमितकुमार दासले आग्रह गर्नुभएकोछ ।
श्रीमती र छोरा माइतीबाट फर्कने क्रममा वेपत्ता भएपछि कतारमा रहेका श्रीमान आकस्मिक रुपमा घर फर्केर खोजी कार्यमा लागेका हुन् ।
श्रीमती र छोरा फेला पारेर खबर गर्नेलाई ५० हजार इनाम दिने घोषणा समेत दासले गर्नुभयो ।
२१ वर्षीया कृष्टिना राजबंशी माइतीघर बेलबारीमा ठूलो बुबाको मृत्यु भएपछि गत असोज २१ गते काम सकाएर फर्केकी थिइन् ।
तर, उनी अहिलेसम्म सुनवर्षी ४ स्थित काशीजान घरमा नपुगेको दासले बताउनुभयो ।