बिराटनगरमा मुख्य कार्यालय रहेको स्टार डेन्टल हस्पिटल प्रा. लि. ले आफ्नो नयाँ शाखा इनरुवा नगरपालिका वडा नं. १ मा स्थापना गरेको छ ।
इनरुवा हस्पिटल गेट नजिकै अवस्थित यो नयाँ शाखाको उद्घाटन नेपाली काँग्रेसका केन्द्रीय सदस्य राजीव कोइरालाले गरे । उद्घाटन समारोहमा विशिष्ट व्यक्तिहरूको उपस्थिति रहेको थियो ।
कार्यक्रममा नेपाली काँग्रेसका पूर्व यातायात राज्यमन्त्री सीताराम मेहता, इनरुवा नगरपालिकाका प्रमुख केदार भण्डारी, उपप्रमुख विनिता कुमारी मेहता, कोशी प्रदेश सभा सदस्य इसराइल अन्सारी, भोक्राहा नरसिंह गाउँपालिकाका अध्यक्ष अजमल अखतर आजाद र काँग्रेसका नेता जमिल अन्सारी लगायतका गणमान्य व्यक्तिहरू उपस्थित थिए ।
यो नयाँ शाखाले इनरुवा र आसपासका क्षेत्रका बासिन्दाहरूलाई उच्च गुणस्तरको दन्त सेवा प्रदान गर्ने स्टार डेन्टल हस्पिटलका प्रमुख पुर्णराज यादव जानकारी दिए ।
स्टार डेन्टल हस्पिटलको यो विस्तारले स्थानीय स्वास्थ्य सेवामा महत्त्वपूर्ण योगदान पुर्याउने विश्वास रहेको जानकारी दिए ।