हिजो सुन्सरी जिल्लाको कोशी गाउँपालिका ४ मा चट्याङ लागेर एक जनाको मृत्यु भएको छ। मृतक १८ वर्षीय अक्रम मियाँ हुन् ।
स्थानीय स्रोतका अनुसार, मियाँ माछा मार्न गएका बेला हावाहुरीसँगै आएको चट्याङ लागेर गम्भीर घाइते भएका थिए। उनको उपचारको क्रममा स्थानीय अस्पतालमा मृत्यु भएको प्रहरीले जानकारी दिएको छ ।
घटनामा मियाँसँगै रहेका अर्का एक जना हदिस मियाँ पनि घाइते भएका छन्। उनको हाल उपचार भइरहेको छ ।
यस दुर्घटनाले स्थानीय समुदायमा शोकको वातावरण छाएको छ ।